Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще два от вас совещаета на земли о всякой вещи, еже аще просита, будет има от Отца Моего, Иже на Небесех. Идеже бо еста два, или трие собрани во имя Мое, ту есмь посреде их». Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабом Твоим (имена), согласившимся просить Тя (содержание прошения), исполнение нашего прошения. Обаче не якоже мы хотим, но якоже Ты. Да будет во веки воля Твоя. Аминь.
Меню
